Aǵaly-qaryndasty búldirshinder janartaý atqylaýynyń qurbany boldy
ASTANA. QazAqparat - Sıtsılııa aralyndaǵy Makalýbe dı Aragona tabıǵı qoryǵynda shaǵyn janartaý kútpegen jerden atqylap, 7 jasar qyz ben onyń 9 jasar aǵasynyń ómirin qıdy, dep habarlady ITAR-TASS.
Olar saıabaqqa laıy aǵatyn janartaýdy tamashalaý úshin ákelerimen birge erip kelgen. Toǵyz jasqa tolǵan bala týǵan kúninde osyndaı eksýrsııany "syıǵa tartýdy" suraǵan. Januıa músheleri laı men topyraq aralasqan kóshkin atqylaǵan kezde kraterlerdiń biri ornalasqan tóbede bolǵan. Saldarynan eki bala da mert boldy, al ákeleri aman qalǵan. Jergilikti prokýratýra oqıǵaǵa baılanysty tergeýdi bastady. Qoryq ýaqytsha jabyldy. Tergeýshiler saıabaqta qaýipsizdik sharalarynyń qanshalyqty saqtalǵanyn tekseredi.
