Agalarov týrnırinde Qazaqstan boksshysy jeńimpaz atandy
ASTANA. QazAqparat - Bakýde ázerbaıjandyq boksshy Abbas Agalarovty eske alýǵa arnalǵan jasóspirimder arasynda bokstan «A» sanatyndaǵy halyqaralyq týrnır ótti. Baıraqty básekede 56 keli salmaq sanatynda el namysyn qorǵaǵan Álibek Jarqynbek altyn medal ıelendi. Bul týraly QazAqparat QR Boks federatsııasyna silteme jasap habarlaıdy.
Sonymen qatar osy týrnırde Evgenıı Pavlov (52 keli), Talǵat Shaıkenov (60), Eldııar Kamshybekov (81) jáne Damır Toıshybaı (+91) kúmis medal aldy.
Aǵa jattyqtyrýshy Ǵalymbek Kenjebaev basshylyq jasaǵan Qazaqstan komandasy jalpykomandalyq esepte ázerbaıjandyqtardan keıin 2-shi orynǵa turaqtady.
Aıta keteıik, týrnırge álemniń 18 elinen 17-18 jastaǵy 160-tan astam sportshy qatysty.
