Aǵadyr kentiniń turǵyndary QR Prezıdentimen «tikeleı jelige» habarlasqanda Aǵadyr aýdanyn qalpyna keltirý týraly ótinish bildirdi
sp;QARAǴANDY. Qarashanyń 9-y. QazAqparat /Valentına Elızarova/ - Qaraǵandy oblysynda 90-shy jyldary jabylǵan Aǵadyr aýdanyn qalpyna keltirý týraly Aǵadyr stansysynyń turǵyndary ótinish bildirdi.
«Qurmetti Nursultan Ábishuly, 1973 jyly jetpis myń turǵyn halqy bar Aǵadyr aýdany qurylǵan edi, ortalyǵy Aǵadyr kenti bolatyn. Aımaq turǵyndary muny kókten túsken baqytqa balap, Allaǵa jáne el Úkimetine rızashylyǵyn bildirdi», - deıdi kent turǵyndary ótken kúnderden syr sherte otyryp.
«Kent turǵyndarynyń qýanyshy 1997 jylǵa deıin sozyldy. Osy jyly Aǵadyr aýdany Shet aýdanymen biriktirildi, aýdan ortalyǵy on eki myń turǵyny bar Aǵadyrdan temirjolǵa 100 shaqyrym qashyq jerge ornalasqan úsh myń turǵyny bar Aqsý-Aıýlyǵa kóshirildi. Al Aǵadyr «Astana - Almaty» baǵytynyń kúre jolyna ornalasqan», - dep óz ýájderin keltirgen aǵadyrlyqtar.
Olar Shet aýdanynan bóline otyryp, Aǵadyr aýdanyn qalpyna keltirý múmkindigin qaraý jóninde Memleket basshysyna ótinish bildiredi.
