Aǵa oqytýshy: Toqaev jetekshi ǵalymdarymyzǵa laıyqty jaǵdaı jasaýdyń naqty josparyn usyndy

NUR-SULTAN. QazAqparat - Memleket basshysy Q.Toqaev óziniń búgingi Joldaýynda elimizdiń damýyna qatysty asa mańyzdy máselelerge toqtaldy. Bul pikirdi Ál-Farabı atyndaǵy Qazaq ulttyq ýnıversıteti JOO deıingi bilim berý fakýlteti JOO deıingi daıyndyq kafedrasynyń aǵa oqytýshysy J.S.Ádilhanova bildirdi.

«Álem boıynsha barsha adamzattyń basyna túsip otyrǵan pandemııanyń áserinen halqymyz ekonomıkalyq, áleýmettik, psıhologııalyq jáne rýhanı qıyndyqtarǵa tap boldy. Soǵan qaramastan biz óz maqsattarymyzdy aıqyn belgilep, sonyń jolynda naqty qyzmetter atqaryp jatqanymyzdy atap kórsetti.

Nátıjesinde osyndaı qıyn kezeńnen aman-esen ótip, jarqyn bolashaqqa nyq qadamdar jasap jatyrmyz. Máselen, bir ǵana álemdik indetke qarsy kúreste Qazaqstan ozyq eldermen básekege túse otyryp, «Qazvak» vaktsınasynyń synaq merziminen nátıjeli jetistikke jetkeniniń arqasynda elimizdi aýyr dertten aman saqtap qalýdyń áreketin jasap otyrmyz. Barsha halyqtyń densaýlyǵy, olardyń amandyǵy - memlekettiń mańyzdy máselesi», - dedi ol.

Sondaı-aq, aǵa oqytýshy prezıdenttiń bilim, ǵylymǵa janashyrlyq tanytqanyn atap ótti.

«Memlekettiń basty baılyǵy – adam kapıtaly ekeni belgili. Deni saý urpaq ósirip, ony bilimmen qarýlandyra otyryp, memlekettiń damýyn durys jolǵa qoıý, órkenıetke ilesý - bizdiń qasıetti boryshymyz. Memleket basshysy osy turǵyda densaýlyq pen bilim salasyna erekshe kóńil bólip, ustazdar men dárigerlerge meılinshe qoldaý kórsetip, ǵylymnyń damýyna aıryqsha nazar aýdarý kerektigin tapsyrdy. Q.Toqaev jetekshi ǵalymdarymyzǵa laıyqty jaǵdaı jasaýdyń naqty josparlaryn usyndy.

Ǵylymı zertteý ınstıtýttaryn damytý úshin olardyń sapaly da qajetti jobalaryn durys iriktep, qarjylandyrýdy quzyrly organdarǵa tapsyryp, bul salanyń damýyna aıqyn ári ashyq erejesin daıyndaýdy tapsyrdy. Kez-kelgen órkenıetti elderdiń damýy ǵylymnyń ár salasyndaǵy jetistikterimen ólshenedi.

Sondyqtan, ǵylymǵa jol ashyp, onyń damýyna jaǵdaı jasalsa, elimizdiń barlyq baǵytynda oń ózgerister bolatynyna esh kúmánimiz bolmaýy kerek. Memleket basshysynyń osy baǵyttaǵy taǵy bir tapsyrmasy halyqaralyq olımpııadalarǵa qatysyp, júldeli oryndarǵa ıe bolyp, elimizdiń dańqyn shyǵaryp júrgen jetkinshekterge tıisti qoldaý kórsetý týraly boldy. Mektep oqýshylarynan halyqaralyq olımpıada jeńimpazdaryna arnaıy melekettik granttar bólinetinin atap ótti. Bizdi erekshe qýantqan jaǵymdy jańalyqtyrdyń biri osy boldy», - dedi.

Sóz sońynda ol «Jalpy, bıylǵy Joldaýda memleket basshysy eldiń damýyna, rýhanı jáne ekonomıkalyq ósýimizge zııaly qaýym ókilderin belsendi bolýǵa shaqyrdy. Halyqtyq, eldik máselelerde aýyzbirshilik pen yntymaqtastyq tanytyp, el damýyna adal qyzmet etýde rýhanı kúsh berdi. Jańa oqý jylynyń bastalýymen úndes bolǵan bul Joldaýda Prezıdent Q.Toqaev halyqqa tyń serpin, jaqsy rýhanı qoldaý boldy.

Elimiz aman, bolashaǵymyz jarqyn bolatynyna jáne qanymyzǵa tán qaısar minezimizben máńgi jasampaz el bolatynymyzǵa senemiz! Memleket basshysyn qoldaımyz!» dep túıindedi.