Afrıkanyń ońtústiginde jerasty teńizi tabyldy
ASTANA. 23 shilde. QazAqparat - Geologtar Namıbııada aýqymdy sý kózin tapty. Ol Afrıkanyń eń shóleıtti aýdandarynyń biriniń damýyna zor yqpal etýi múmkin.
Bul jaıynda sheteldik BAQ-tar habarlady.
Aldyn ala baǵalaý boıynsha, jerasty teńizi eldiń soltústigin 400 jyl boıy sýmen qamtamasyz etýge qaýqarly. Namıbııada Atlant muhıtynyń jaǵalaýyn esepke almaǵynda iri sý qoımalary joq, ózender az. Olardyń basym bóligi aptap ystyqtyń saldarynan tez sýalyp ketedi. Sondyqtan da aýyl sharýashylyǵy damytýǵa esh múmkindik joq.
Ǵalymdardyń paıymynsha, tabylǵan sý kózi eldegi aýyl sharýashylyǵynyń gúldenýine septigin tıgize alady. Olardyń pikirinshe, jerasty teńiizi ekologııalyq turǵydan taza, óıtkeni ondaǵan myń jyl boıy oǵan eshkim tıispegen.
