Afrıkanyń 4 dúrkin úzdik fýtbolshysy bas bostandyǵynan aıyryldy
ASTANA. QazAqparat - Mysyrdyń qarjy jáne kommertsııalyq ister jónindegi soty burynǵy tanymal fýtbolshy Muhammed Ábý Trıkti salyq tóleýden jaltarǵany úshin bir jyl merzimge bas bostandyǵynan aıyryp, aıyppul saldy. Bul týraly «Al-ıAým as-Sabıa» basylymy habarlady.
40 jastaǵy fýtbolshy 20 myń Mysyr fýnty (1100 myń AQSh dollarynan astam) mólsherinde aıyppul, sot shyǵyndaryn jáne gazdalǵan sýsyn jáne baılanys operatorlarynyń biriniń jarnamasynan alǵan tabystarynan 710 myń fýnt (40 myń dollar shamasynda) salyq tóleýi tıis.
Mansabyn 2013 jyly aıaqtaǵan Ábý Trık Mysyr quramasy sapynda 2006, 2008 jyldary Afrıka Ulttar kýbogyn jeińp alǵan bolatyn. Budan tys, qara qurlyqtaǵy eń bedeldi klýbtardyń biri «Ál-Ahlı» quramynda 24 tıtýl jeńip, Afrıkanyń tórt dúrkin úzdik fýtbolshysy (2006, 2008, 2012, 2013) atanǵan.
