Afrıkanyń 23 elinde tyrysqaq oshaǵy tirkeldi
ASTANA.KAZINFORM - Jyl basynan beri Afrıkada tyrysqaq indetin juqtyrǵan 205 myń adam tirkelip, ólim kórsetkishi 2,1%-ǵa jetti. Ásirese nóser jaýyn kezinde dert juqtyrý qaýpi artyp keledi, dep jazady DW.
Іndet Afrıkanyń 23 eline tarady. Senbi, 9 tamyz kúni dpa aqparattyq agenttigi Afrıkanyń aýrýlardy baqylaý jáne aldyn alý ortalyqtaryna (Afrıka CDC) silteme jasap, bıyldyń ózinde 205,000 juqtyrý jaǵdaıy tirkelip, ólim deńgeıi 2,1%-ǵa jetkenin habarlady.
Ótken jyly bul kórsetkish 1,9% boldy, dedi ACDC ókili Ngashı Ngongo brıfıngte.
-Alaıda bul ortasha kórsetkish. Qolaısyz jergilikti jaǵdaılarda ólim-jitim deńgeıi áldeqaıda joǵary bolýy múmkin,- dep naqtylaıdy dpa basylymy.
On myńdaǵan balanyń tyrysqaq aýrýyn juqtyrý qaýpi bar
Tyrysqaq týyndaýynyń negizgi sebebi aǵzadaǵy sý tapshylyǵy. Kóbinese bul dertten zardap shegetinder – az qamtylǵan otbasylar men taza aýyz sýǵa qoly jetpeıtin halyqtyń áleýmettik osal toptarynyń ókilderi.
Birikken Ulttar Uıymynyń Balalar qory (ıÝNISEF) eskertkendeı, jańbyrly maýsym bastalǵaly Batys jáne Ortalyq Afrıkada 80 myńnan astam bala tyrysqaq aýrýyn juqtyrý qaýpi bar. Bul aınalany sý basqan jańbyr kezinde dárethanalardyń nájisi afrıkalyqtar sý alatyn qudyqtar men ózenderge túsedi.
Sanıtarlyq ınfraqurylymǵa ınvestıtsııanyń joqtyǵy
Sonymen qatar, ACDC Afrıkadaǵy sanıtarlyq ınfraqurylymǵa ınvestıtsııanyń jetkiliksizdigin osy kontınentte tyrysqaq ınfektsııalarynyń kóbeıýiniń sebepteriniń biri retinde kórsetedi. Máselen, osy qaýipti dertten erekshe zardap shekken Ońtústik Sýdan elinde halyqtyń 16 paıyzy ǵana sanıtarlyq-gıgıenalyq qondyrǵylarǵa qol jetkize alady. Sonymen qatar, Sýdanda halyqtyń 35 paıyzy ǵana taza aýyz sýmen qamtylǵan.
Óz kezeginde Afrıkanyń aýrýlardy baqylaý jáne aldyn alý ortalyǵynyń (ACDC) bas dırektory Jan Keısı Afrıka memleketteriniń basshylarymen kezdesýinde qurlyqqa tyrysqaqqa qarsy vaktsınalardyń jetkiliksiz jetkizilýin synǵa aldy.
Onyń aıtýynsha, ol jerde jylyna 54 mıllıon doza qajet, biraq onyń jartysy ǵana jetedi. Jaǵdaı ásirese qaqtyǵystarǵa baılanysty volonterlik jumys qaýipti bolyp tabylatyn Afrıkanyń aımaqtarynda qıyn.
Osyǵan deıin Nıgerııada tyrysqaq aýrýynan 13 adam qaıtys bolǵany týraly jadyq.