Afrıkalyq shoshqa obasy Omby oblysynyń taǵy eki aýdanynda tabyldy
ASTANA. QazAqparat - Afrıkalyq shoshqa obasy Omby oblysynyń taǵy eki aýdanynan anyqtaldy, dep habarlady beısenbide óńirlik Aýyl sharýashylyǵy jáne azyq-túlik mınıstrliginde.
Budan buryn oba Omby oblysynyń 32 aýdanynyń altaýynda tikelgen. Óńirde TJ rejimi jarııalandy. «Máskeý vetzerthanasy patologııalyq materıaldy, qan synamasyn zerttegen kezde ıÝrevo Kormılovskıı aýdanynda jáne Kabýrly Nıjneomskıı aýylynan oba vırýsyn rastady», -dep naqtylady vedomstvoda.
Bul aýmaqtarǵa karantın engiziledi. Bes shaqyrym aýmaqtaǵy barlyq shoshqalardyń kózderi joıylady. Olardyń ıelerine ótemaqy tólenedi. 3 tamyzdaǵy jaǵdaı boıynsha 8 myńdaı shoshqanyń kózi joıyldy.
13 shildede Omby oblysynda oba Sargat aýdany Verblıýje kentinde tirkeldi. Keıinnen indet Omby, Sargat, Tavrıcheskıı, Lıýbınskıı, Okoneshnıkovskıı aýdandary eldimekenderinen anyqtaldy.
Omby oblysy mal aýrýlarymen kúres stansasynyń bastyǵy Borıs Gýrınovtiń aıtýynsha, vırýstyń ombylyq iri shoshqa keshenine juǵý qaýpi joq.
Aıta keterligi, Omby aýdanynda úsh iri mal sharýashylyǵy kesheni bar. Biraq mamandar ondaǵy úı janýarlaryna indetten qaýip joq dep otyr.
Afrıkalyq shoshqa obasy - jabaıy qabandar men úı shoshqalarynda bolatyn vırýsty aýrý. Ótkir túri 100 paıyz maldyń ólimine ákeledi. Vırýs-qozdyrǵysh joǵary temperatýrany jaqsy kóteredi. Jemtikte, topyraqta uzaq ýaqyt saqtalady. Reseıde alǵash ret 2007 jyly tirkelgen.
