Afrıkalyq elderdiń birinde SMS habarlamalar jiberýge tyıym salyndy
ASTANA. QazAqparat - Ortalyq-Afrıka respýblıkasynyń ýaqytsha úkimeti ereýilshilerdiń jappaı aqparat jiberý kampanııasyna qarsy turý úshin el ishinde SMS habarlamalardyń taratylýyna tyıym salý jóninde sheshim shyǵardy, dep habarlaıdy Bı-Bı-Sı.
Memleket basshylyǵy ereýilshilerdiń taratyp jatqan habarlamalarynda el astanasy Bangı qalasynda jappaı narazylyq tanytý jóninde úndeýler bar dep otyr.
Bıliktiń aıtýynsha, shekteý salý eldegi ultaralyq jáne dinaralyq qaqtyǵystardy toqtatyp, beıbitshilik ornatýǵa septesedi. Qazirgi ýaqytta SMS jiberýge talpynǵan OAR turǵyndarynyń qalta telefonyna "SMS-ke tyıym salynǵan" degen frantsýz tilindegi jaýap keledi. Bıliktiń habarlamalarynda atap kórsetilgenindeı, bul tyıym birneshe kúnnen keıin alynyp tastalady.
