Afrıkalyq azamat Mekkede ózin Isa Paıǵambarmyn dep jarııalady
ASTANA. QazAqparat - Saýd Arabııalyq BAQ-tyń habarlaýynsha, jaqynda musylmandardyń qasıetti jeri Mekkedegi Ál-Haram meshitiniń janynda afrıkalyq azamat jón-josyqsyz aıqaılap, ózin Isa Paıǵambarmyn dep jarııalaǵan, dep habarlaıdy muslim.kz.
Ál-Haram meshitiniń qaýipsizdik kúshteri qolbasshysynyń sózine qaraǵanda, er adam aıqaı shyǵarǵanmen qosa ústindegi kıimin jyrtyp, oryndyqpen shamdy syndyrǵan. Odan keıin ol qajylyqqa kelgenderdi urǵan. Polıtsııa qyzmetkerleri buzaqyǵa birden buǵaý saldy.
Essiz azamattyń bul qylyǵy túsirilgen vıdeo áleýmettik jeliler arqyly tez tarap ketti. Solardyń bireýinde ol kıimin jyrtyp, oryndyqpen shamdy uryp syndyrǵany kórinip tur. Keıin polıtsııa ókilderi atalǵan azamat psıhıkalyq aýrýǵa shaldyqqanyn habarlady. Ol quzyretti organdarǵa tapsyryldy.
