Afrıkaǵa pandemııa zardaptaryn jeńý úshin 1,2 trln dollar qajet – HVQ
PRETORIıA. QazAqparat – Afrıka elderine qurlyqtyń ekonomıkasyn 2023 jyldyń sońyna deıin jańa koronavırýs pandemııasy keltirgen zalaldan qalpyna keltirý úshin 1,2 trıllıon AQSh dollary qajet. Bul týraly senbide Halyqaralyq valıýta qorynyń (HVQ) basqarýshy dırektory Krıstalına Georgıeva málim etti, dep habarlaıdy QazAqparat News24 jergilikti jańalyqtar qyzmetine silteme jasap.
«Afrıka kelesi kezeńge tótep berýi úshin ony qoldaý kerek, onyń máni – qazirgi daǵdarystan shyǵý», - dep málimdedi HVQ basqarýshy dırektory.
Georgıevanyń aıtýynsha, halyqaralyq ınstıtýttar men jekelegen memleketterdiń Afrıkaǵa qarjylaı kómek kórsetý jónindegi mindettemeleri qajetti somanyń 25%-yna da jetpeıdi.
HVQ baǵalaýy boıynsha bıyl Afrıka memleketteriniń jalpy JІÓ 2,5%-ǵa qysqarady. Bul qurlyqtyń qazirgi tarıhyndaǵy eń nashar quldyraý kórsetkishiniń biri bolmaq, deıdi sarapshylar.
Qazirgi ýaqytta Afrıkada jańa koronavırýs juqtyrǵandardyń sany 1 548 867 adamǵa jetti, olardyń 37 388-i qaıtys boldy.
