Afrıkaǵa 5,5 mln adam qonys aýdardy
ASTANA. QazAqparat - Afrıkaǵa álemniń túkpir-túkpirinen 5,5 mıllıon adam qonys aýdarǵan. Bul týraly BUU-nyń Saýda jáne damý jónindegi konferentsııasynyń (UNCTAD) Afrıkadaǵy mıgratsııa jáne onyń ekonomıkalyq saldary týraly baıandamasynda aıtyldy, dep habarlaıdy Anadoly agenttigi.
Baıandamany jýrnalısterge Efıopııa astanasy Addıs-Abebada UNCTAD bas hatshysy Mýhıs Kıtýı jáne BUU Afrıka jónindegi ekonomıkalyq komıssııasynyń (UNECA) atqarýshy hatshysy Vera Songve usyndy.
Baıandamada 19 mıllıon adamnyń Afrıkanyń bir elinen basqa eline, al 17 mıllıon adam basqa qurlyqqa qonys aýdarǵany aıtylǵan.
1990-2010 jyldar aralyǵynda Afrıkaǵa qonys aýdarýshylar sany aıtarlyqtaı óspegen, biraq 2010 jyldan keıin bul kórsetkish eki esege kóterilip, 2017 jyly 5,5 mıllıonǵa jetken.
