Afrıkadan oralǵan qazaqstandyqtarǵa mindetti túrde dárigerge qaralýǵa keńes beriledi
ASTANA. QazAqparat - Búgingi tańda Batys Afrıkada Ebola bezgeginen 467-ge jýyq adam kóz jumdy. Dúnıejúzilik densaýlyq saqtaý uıymynyń derekteri boıynsha osy aýrýdy juqtyrǵandardyń sany 753-ǵa jetip, nebári bir aptanyń ishinde burynǵy kórsetkishke qaraǵanda 109-ǵa artqan.
Bul juqpaly dert Gvıneıa, Lıberııa jáne Serra-Leone elderinde órship otyr.
Osyǵan baılanysty QR Indýstrııa jáne jańa tehnologııalar mınıstrligi Týrızm ındýstrııasy komıteti Afrıka elderine baryp kelýshilerge mindetti túrde synama tapsyrýǵa jáne dárigerge qaralýǵa keńes beredi. Týroperatorlar men týragentter Afrıkanyń batys elderine baratyndardy mindetti túrde epıdemıologııalyq ahýal týraly aqparattandyrýy qajet, dep habarlaıdy QR IJTM Týrızm ındýstrııasy komıtetiniń baspasóz qyzmeti.
