Afrıkadan Italııaǵa baǵyt alǵan 19 mıgrant kemede tunshyǵyp óldi
ASTANA. QazAqparat - Italııalyq qutqarýshylar Soltústik Afrıkadan birneshe júzdegen mıgranttardy tasymaldaǵan kemede qaza bolǵan 19 adamnyń denesin tapty, dep jazady VVS.
Italııalyq BAQ-tyń málimetinshe, olar qozǵaltqyshtan shyqqan tútinnen tunshyǵyp ólgen. Kemedegi eki adam aýrýhanaǵa jatqyzyldy.
Maýsymda 45 adam osyǵan uqsas jaǵdaıda ajal qushqan edi.
Italııa bıliginiń habarlaýynsha, ótken jyly Italııanyń ońtústigine 60 myńnan astam mıgrant kelip toqtaǵan. 2014 jyldyń qortyndysy boıynsha osy eldiń ońtústigine keletin zańsyz mıgratsııanyń jańa rekordy ornatylýy múmkin.
