Afrıkada jyldap tamaqtanbaıtyn balyq túri tabyldy
ASTANA. QazAqparat - Afrıka aýmaǵynda «rogozýb» dep atalatyn balyq túri tabyldy. Ol birneshe jyl boıy tamaqtanbaı ómir súre alady eken.
Zertteýshiler bul ózgeshe de qundy «oljaǵa» úlken úmit artyp otyr. Olardyń paıymynsha, bul balyq belgili bir jaǵdaıda adamnyń ómir súrýin ýaqytsha toqtatýdyń jańa ádisterin qurýǵa kómektesedi.
Tabylǵan rogozýb qıyn jaǵdaıda organızmindegi úderisterdi báseńdete alatyny anyqtaldy. Balyq óziniń bıologııalyq saǵatyn «isten shyǵaryp» uıqyǵa ketedi. Onyń uıqysy 3 nemese 5 jylǵa deıin sozylýy múmkin. Bul ýaqytta balyq taǵamsyz, tipti sýsyz ómir súrip, qaldyq ta shyǵarmaıdy eken. Sý janýary tuşy sý kelgenge deıin uıyqtaı bermek, dep jazdy planet-today.ru.
