Afrıkada koronavırýstyń 3-shi tolqyny sharyqtaý shegine jetti

NUR-SULTAN. QazAqparat - Ulybrıtanııada oqýshylarǵa ata-analarynyń ruqsatynsyz COVID-19-ǵa qarsy vaktsına salýǵa daıyndalyp jatyr, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııanyń Telegram kanalyna silteme jasap.

The Telegraph basylymynyń habarlaýynsha, mektep oqýshylaryn oqý jylynyń alǵashqy aptalarynda vaktsınalaý josparlanýda. Pfizer ázirlegen vaktsına 12 jastan asqan balalar arasynda qoldanýǵa maquldanǵan.

Dúnıejúzilik densaýlyq saqtaý uıymy pandemııanyń Afrıkadaǵy úshinshi tolqyny joǵary shegine jetkenin habarlady. Uıymnyń Afrıka ókildiginiń basshysy Matshıdıso Moetı Afrıka elderinde halyqty koronavırýsqa qarsy vaktsınalaý jaqsy qarqynmen júrip jatqanyn aıtty.

Onyń sózinshe, COVID-19 vaktsınasynyń edáýir bóligi qaıyrymdylyq túrinde berilgen.

EO eresek turǵyndarynyń úshten ekisi COVID-19-ǵa qarsy tolyqtaı egildi. Tolyǵymen egilgen elderdiń alǵashqy úshtiginde Malta, Irlandııa jáne Danııa bar. Mundaı málimetter beısenbide Eýropalyq aýrýlardyń aldyn alý jáne baqylaý ortalyǵynyń resmı saıtynda jarııalandy.