Afrıkada Qazaqstan azamattary men dıplomattarynyń Ebola vırýsyna shaldyǵý derekteri joq - QR SІM
ASTANA. QazAqparat - Afrıkada Qazaqstan azamattary men dıplomattarynyń Ebola vırýsyna shaldyǵý derekteri tirkelmedi. Bul týraly QazAqparat agenttiginiń resmı saýalyna oraı QR Syrtqy ister mınıstrliginen habarlady.
Syrtqy vedomstvonyń aqparatyna qaraǵanda, Qazaqstannyń qara qurlyqtaǵy dıplomatııalyq ókildikteri Mysyr men Ońtústik Afrıka Respýblıkasynda ornalasqan.
«Mysyr men OAR Ebola bezgegi tirkelgen elderden birshama shalǵaıda ornalasqan. Belgili bolyp otyrǵandaı, Ebola vırýsy bezgekke shaldyqqan adammen tikeleı qarym-qatynasta bolǵan kezde ǵana juǵady. Bizdiń málimetterimizshe, búgingi tańda Mysyrda da, OAR-da da Ebola vırýsyna shaldyǵý deregi tirkelgen joq», - delingen mınıstrliktiń habarlamasynda. Sonymen qatar, SІM Ebola bezgegi taraǵan elderde qansha qazaqstandyqtyń bar ekendigi jaıynda aqparattyń joqtyǵyn málim etti. «QR Konstıtýtsııasyna sáıkes bizdiń azamattardyń erkin júrip-turýǵa quqy bar. QR Syrtqy ister mınıstrligi shetelge shyqqan azamattardy tirkemeıdi. Qazirgi ýaqytta shetelde Ebola vırýsyn juqtyrǵan QR azamattary jaıynda aqparat mınıstrlikke kelip túsken joq», - delingen mınıstrliktiń QazAqparattyń resmı saýalyna oraı bergen jaýabynda.
