Afrıkada ıslamdy tyıym salynǵan din dep jarııalady
ASTANA. 26 qarasha. QazAqparat - Angolanyń Ádilet jáne adam quqyǵy mınıstrligi ıslamdy tyıym salynǵan din dep jarııalady. Afrıkanyń bul elinde barlyq meshitter jabylmaq.
Angola ıslamǵa resmı túrde tyıym salǵan birinshi memleketke aınaldy. El prezıdenti Joze Edýardý dýsh Santýsh «bul ıslamnyń eldegi sońǵy yqpaly» ekendigin málimdedi.
Angola azamattary baıyrǵy turǵylyqty halyqtardyń dinderine qulshylyq etedi. Sońǵy saýalnamalar halyqtyń 47 paıyzy dástúrli senimdegiler, taǵy 38 paıyzy - katolıkter, al 15 paıyzy - protestanttar ekendigin kórsetti, dep jazady «Vzglıad» iskerlik gazeti.
Islam dinin ustanatyndar sany az. Angolanyń 18,5 mln. halqynyń 80-90 myńǵa jýyǵy ǵana ıslam dinin ýaǵyzdaıdy. El úkimetiniń sheshimi ıslam elderiniń narazylyǵyn týdyryp otyr. Olar meshitterdiń joıylýyna qarsylyq bildirdi.
