Afrıkada erler qataryna qabyldaıtyn synaqtan óte almaǵan 26 jasóspirim qaza tapty
ALMATY.QazAqparat - Ońtústik Afrıka Respýblıkasynda erler qataryna qabyldanatyn synaqtan óte almaǵan 26 jasóspirim mert bolyp, 104 bozbala aýrýhanaǵa jatqyzyldy, dep habarlaıdy Lenta.rý.
Qazir atalǵan ǵurypty uıymdastyrǵan 7 adam tutqyndaldy.
Jasóspirimderdiń densaýlyǵyna túrli dárejede zalal keltirilgen. Atap aıtqanda, súndetteýden keıin túrli ınfektsııalyq dertter qozǵan.
Eldegi dástúrli qoǵam isi boıynsha mınıstrlik mundaı keleńsiz ǵuryptyń tamyryna balta shabý kerektigin aıtty. Biraq ótken jyly da birneshe adamnyń óliminen keıin memleket basshysy da buǵan tyıym salý kerektigin málimdegen bolatyn.
Jyl saıyn 10 myńdaǵan bozbala erler qataryna qabyldaný úshin qatań synaqtardan ótedi. Olar úsh apta boıy túrli test tapsyrady, ystyq-sýyqqa tózimdiligi tekseriledi.
