Afrıkada eldi ınternet jáne sýmen qamtamasyz etetin 15 tonnalyq kompıýter jasaldy
ASTANA. QazAqparat - Eýropalyq Watly startaby maýsym aıyna qaraı Afrıka turǵyndaryn sýmen, elektr qýatymen jáne ınternetpen qamtamasyz etýge baǵyttalǵan 15 tonnalyq kompıýterdiń úshinshi nusqasyn qurastyrýdy josparlap otyr. Bul týraly Quartz jazady.
Watly kompıýteriniń bıiktigi - shamamen 2 metr, uzyndyǵy - shamamen 40 metr. Ol kún batareıalary arqyly jumys isteıdi. Ári bólshekteri qyzǵan kezde sýdy joǵary qysymmen býǵa aınaldyryp tazarta alady. Jyldyq qýaty - 3 mıllıon lıtr. Joba avtorlarynyń biri Marko Attısanıdiń aıtýyna qaraǵanda, ár mashına 15 jyl úzdiksiz jumys jasaýǵa shaqtalǵan.
Watly 500 metr radıýsta Wi-Fi tarata alady. Sonymen qatar ár mashınada ǵalamtorǵa tikeleı qol jetkizý úshin tachskrınder ornatylǵan.
Apparattyń birinshi nusqasyn Attısanı kompanııasy úsh jyl buryn jasady. 2015 jyldyń sońynda Discovery telearnasy Ganadaǵy aýyldardyń birinde Watly-dy ornatyp, atalǵan qurylǵyny jergilikti turǵyndardyń qalaı qoldanǵanyn baqylady.
