Afrıkada arystandar ýlanýdan jappaı qyryldy
ASTANA. QazAqparat - Ýgandadaǵy Koroleva Elızaveta Ulttyq baǵynda 11 óli arystan tabyldy, dep habarlaıdy Euronews.
Ýganda tabıǵatty qorǵaý memlekettik organdarynyń aıtýynsha, jyrtqyshtar úı janýarlaryna shabýyldaǵannan keıin ýlanǵan. Ýganda Jabaıy tabıǵatty qorǵaý basqarmasynyń resmı ókili Gessa Sımplıshestiń aıtýynsha, oqys oqıǵa eldiń týrızm salasyna kóp shyǵyn ákeledi.
«Arystandardyń oǵan deıin deni saý edi. Olardy sol mańaıdaǵy jergilikti turǵyndar ýlap óltirgen bolýy múmkin», - deıdi ol.
Basqarma birazdan beri baqtyń ishinde ornalasqan aýyldardy kóshirý qajettigin aıtyp keledi.
Ýganda bir aı ilgeri BUU-nyń Búkilálemdik jabaıy tabıǵat kúnin atap ótken bolatyn. Onyń aıasynda mysyq tuqymdastarynyń ókilderin qorǵaý máseleleri talqylandy.
Koroleva Elızaveta Ulttyq baǵynda 200-ge jýyq arystan bar.
