Afrıkada 20 fýtbolshy sýǵa ketti
ASTANA. 30 naýryz. QazAqparat - Zambııada «Verdjın KA» kongolez klýbynyń fýtbolısteri minip úılerine qaıtyp kele jatqan úsh qaıyq sýǵa batyp ketti. 20 adam qaza boldy, dep habarlady RBK.
Oıynshylar men jankúıerler Zambııadan úsh qaıyqpen Lýapýla ózeninen ótip kele jatqan bolatyn. Qastarynan ótken motorly katerden bolǵan úlken tolqyn qaıyqtardy aýdaryp jibergen, dep habarlaıdy Sports Illustrated.
«Olardyń qaıyǵyn qastarynan ótken kater kótergen úlken tolqyn Lýapýla ózeniniń ortasynda aýdaryp jiberdi, - dep áńgimeledi Lýapýla provıntsııasynyń vıtse-gýbernatory Aaron Mýshanga. - Qaıyqtarda júzden astam adam bolǵan, olardyń 80-in jaǵalaýlyq kúzet qutqardy. 20 adam mert boldy».
Qyzyl Krestiń jergilikti ókildiginiń baspasóz hatshysy ázirshe barlyq máıit túgel anyqtalyp bolǵan joq, dep habarlady. Tipti adamdardyń deneleri sýdan shyǵarylyp bolmaǵan.
FIFA prezıdenti Zepp Blatter qaza bolǵandardyń otbasylaryna jáne Kongonyń Fýtbol federatsııasyna kóńil aıtty.
