Afrıka jaǵalaýynda bortynda 22 úndi teńizshisi bar tanker joǵalyp ketti
ASTANA. QazAqparat - Panamada tirkelgen, bortynda 22 úndi teńizshisi bar tanker batysafrıkalyq Benın memleketi jaǵalaýynda joǵalyp ketti, dep habarlady TASS senbide NDTV telearnasyna silteme jasap.
48 saǵattan beri keme týraly eshqandaı aqparat joq.
Telearnanyń derekteri boıynsha, Marine Express tankeri jónindegi sońǵy habar 31 qańtarda úndi ýaqytymen 18:30-da túsken. Ol kezde keme Benın jaǵalaýynda zákir tastap turǵan. Sodan beri tanker jáne onyń ekıpajy jóninde habar-oshar joq. Ony teńiz qaraqshylary basyp alýymúmkin degen boljam bar.
Úndi keme qatynasy mınıstrliginiń telearnaǵa habarlaýynsha, tanker quny 8,1 mıllıon dollarlyq 15,5 myń tonna janarmaı ákele jatqan.
