Afrıka ulttary kýbogyna «Astana» sapyndaǵy fýtbolshy barady
ASTANA. QazAqparat - «Astana» fýtbol klýbynyń hám Kongo DR quramasynyń shabýylshysy Djýnıor Kabananga HHHІ Afrıka ulttary kýbogyna qatysatyny kútilýde.
Kabananga qazir Kongo Demokratııalyq Respýblıkasy sapynda júr. Bul eldiń ulttyq quramasy elektik synda «V» tobynda top jaryp, 31-shi ret jalaýy jelbireıtin Afrıka ulttary kýbogyna qatysý quqyǵyna ıe boldy.
Al 15 qańtardan 5 aqpanǵa deıin Gabonda ótetin Afrıka ulttary kýbogynda «S» tobynda baq synaıdy. Qarsylastary - Kot-d'Ivýar, Marokko jáne Togo quramalary.
Shırek fınalǵa shyǵýy úshin osy topta birinshi nemese ekinshi oryn alýy kerek. Dál qazir Kongo DR quramasy jattyǵý jıynyn ótkizýde. Kabananga óz eliniń ulttyq quramasynyń Gabonǵa baratyn sońǵy tizimine ilikken.
Afrıka ulttary kýbogyna Qazaqstan chempıonatynan bir fýtbolshynyń baratyndyǵyn óz aldyna bir jetistik dep baǵalaýǵa bolady. Budan bizdiń fýtbolymyzdyń bedeli óspese, túspeıtini aıdan anyq.
Eske salaıyq, 2016 jyly jazda «Qaırattyń» jartylaı qorǵaýshysy Anatolıı Tımoşýk Frantsııada ótken HV Eýropa chempıonatyna qatysyp kelgen.
Derekkóz: Astana fýtbol federatsııasy
