Afrıka óz táýelsizdiginiń 50 jyldyǵyn toılaýda
ASTANA. Mamyrdyń 25-i. QazAqparat - Búgin Afrıkanyń azattyq kúni. 1963 jyly Efıopııa astanasy Addıs-Abebada bolyp ótken Afrıka elderi basshylarynyń І konferentsııasynda Afrıka elderiniń birligi uıymy qurylyp, BUU-nyń sheshimimen bul kún Afrıkanyń azattyq kúni dep jarııalanǵan bolatyn. Bıyl bul ataýly kúnge erekshe nazar aýdarylýda, sebebi Qara qurlyqtyń táýelsizdik alǵanyna 50 jyl tolyp otyr, dep habarlaıdy ITAR-TASS agenttigi.
Árıne, barlyq afrıkalyq elder birdeı táýelsizdik alǵan joq, biraq ta 1960 jyly dál osy kúni 17 memleket: Kamerýn, Togo, Madagaskar, Kongo Respýblıkasy, Benın, Býrkına-Faso, Kot-d'Ivýar, Chad, Ortalyq Afrıka Respýblıkasy, Gabon, Mavrıtanııa, Nıger, Senegal, Malı, Nıgerııa, Kongo Demokratııalyq Respýblıkasy jáne Somalı elderi egemendikterin jarııa etip, óz damý joldaryna tústi.
