Afrıka odaǵy Benındegi áskerı tóńkeris áreketin aıyptady
ASTANA. KAZINFORM — Afrıka odaǵynyń komıssııasy Benınde bılikti kúshpen basyp alýǵa baǵyttalǵan áreketti qatań aıyptady, dep habarlaıdy Sınhýa.
Afrıka odaǵy komıssııasynyń tóraǵasy Mahamýd Alı ıÝsýf jeksenbi kúni Benınde bolǵan áskerı tóńkeris áreketinen keıin qatań málimdeme jasady. Ol áskerılerdiń saıası úderiske aralasýyna baǵyttalǵan kez kelgen áreket Afrıka odaǵynyń negizgi qaǵıdattary men qundylyqtaryna qaıshy ekenin atap ótti.
ıÝsýf búlikke qatysy bar áskerı qyzmetshilerdi barlyq zańsyz áreketin dereý toqtatýǵa, eldiń konstıtýtsııalyq tártibin tolyq saqtaýǵa jáne kazarmalarǵa oralýǵa shaqyrdy. Onyń aıtýynsha, ásker tek óz kásibı mindetin atqarýy tıis jáne memlekettik basqarýǵa aralaspaýy qajet.
Sondaı-aq Afrıka odaǵy komıssııasynyń tóraǵasy Benınniń saıası jáne qoǵamdyq kúshterine jaǵdaıdy odan ári ýshyqtyrmaý úshin dıalogqa, birlikke jáne turaqtylyqty saqtaýǵa basymdyq berýge úndedi.
Eske sala keteıik, buǵan deıin Benınniń ishki ister mınıstri Alassane Seıdý bılik oryndarynyń memlekettik tóńkeris jasaý áreketiniń jolyn keskenin málimdegen bolatyn.