Afrıka fýtbol konfederatsııasynyń prezıdenti Parıjde qamaýǵa alyndy
NUR-SULTAN. QazAqparat - Afrıka fýtbol konfederatsııasynyń (CAF) prezıdenti Ahmad Ahmad beısenbi kúni Parıjde qamaýǵa alyndy. Bul jaıly Jeune Afrique basylymy habarlady.
Ahmad Halyqaralyq fýtbol federatsııasynyń (FIFA) kongresine qatysý úshin Parıjge kelgen. 5 maýsym kúni jıyn barysynda prezıdent qyzmetine shveıtsarlyq Djannı Infantıno qaıta saılandy. Al Frantsııanyń Sybaılas jemqorlyqqa qarsy kúres jónindegi ortalyq bıýrosynyń ókilderi qarjy jáne salyqtyq quqyq buzýshylyqtarǵa baılanysty 59 jastaǵy madagaskarlyqtan jaýap alýda.
Basylymnyń habarlaýynsha, tutqyndaý frantsýzdyq Technical Steel kompanııasymen kelisimge qol qoıý úshin CAF-tyń nemistiń Puma fırmasymen birjaqty demeýshilik kelisimsharttaryn buzýymen baılanysty. Afrıka fýtbol konfederatsııasynyń burynǵy bas hatshysy Amr Hahmıdiń aıtýynsha, «Technical Steel» kompanııasymen shart jasalýyna Ahmadtyń frantsýz kompanııasynyń basshylarymen tanystyǵy sebep bolǵan.
