Afrıka elinde jappaı asharshylyq bolýy múmkin

NUR-SULTAN. QazAqpart – Somalıdiń segiz aımaǵynda jappaı asharshylyq qaýpi bar. Bul týraly QazAqparat BUU jańalyqtary saıtyna silteme jasap habarlaıdy.

Sarapshylar pikirinshe, eger elde qurǵaqshylyq pen negizgi taýarlar baǵasynyń ósýi jalǵasa berse, al halyqtyń eń osal toptaryna gýmanıtarlyq kómek jetkizilmese, el turǵyndary osyndaı qaýipke bıylǵy jyldyń qyrkúıek aıynyń basynda tap bolady.

Byltyrǵy qańtardan beri qurǵaqshylyq pen kúnkóristiń nasharlaýyna baılanysty eldiń 900 myńnan astam turǵyny ishki kóshi-qon lagerlerine qonystandyryldy.
Birikken Ulttar Uıymynyń Azyq-túlik jáne aýyl sharýashylyǵy uıymyna (FAO) olarǵa jedel kómek kórsetý úshin shuǵyl túrde 131,4 mln dollar qajet. Qazirgi ýaqytta uıymnyń Somalıdegi asharshylyqtyń aldyn alý sharalary nebary 46 paıyz qarjylandyrylǵan.

Foto: news.un.org