Afrıka elderinde qurǵaqshylyqtan juqpaly aýrýlar kóbeıgen

NUR-SULTAN. QazAqparat – Efıopııa, Kenııa jáne Somalıdegi qurǵaqshylyqtan zardap shekken jáne taza sýǵa qol jetkize almaı otyrǵan adamdardyń sany bes aıda 9,5 mıllıonnan 16,2 mıllıonǵa deıin ósti, dep habarlaıdy QazAqparat BUU jańalyqtar saıtyna silteme jasap.

Afrıkanyń Sahel aımaǵyndaǵy balalar da sý tapshylyǵyna tap bolyp otyr. Bul týraly ıÝNISEF Dúnıejúzilik sý aptalyǵynda aıtty.

«Tarıh bizge kórsetkendeı, sýdyń tartylýy balalardaǵy tyrysqaq nemese ishý ótý sııaqty ólimge ákeletin aýrýlardyń órshýimen qatar júrse, bul jaǵdaıdyń saldary balalar óliminiń kúrt artýyna nemese qaıǵyly jaǵdaılarǵa ákelýi múmkin. Sý bolmaǵan kezde nemese ol lastanǵan jaǵdaıda, balalar úshin qaýip birneshe ese artady», - dedi ıÝNISEF-tiń atqarýshy dırektory Ketrın Rassell.

Onyń aıtýynsha, Afrıka múıizi men Sahel elderiniń mıllıondaǵan jas turǵyny «apatqa bir qadam» jaqyn tur.

Qurǵaqshylyq pen qaqtyǵystar Býrkına-Faso, Chad, Malı jáne Nıgerııadaǵy sý problemalaryn kúsheıtedi. Onda 40 mıllıonǵa jýyq bala sý tapshylyǵy jaǵdaıynda ómir súrýde. Dúnıejúzilik densaýlyq saqtaý uıymynyń málimeti boıynsha, Sahel lastanǵan sý men gıgıenalyq ónimderdiń jetispeýshiliginen qaıtys bolǵan kámeletke tolmaǵandar sany boıynsha álemde birinshi orynda tur.

Somalıdiń qurǵaqshylyqtan zardap shekken aımaqtarynda ish ótý men tyrysqaq aýrýlary beleń alýda. Jyldyń alǵashqy alty aıynda osy aýrýlarǵa shaldyǵýdyń 8 200 jaǵdaıy tirkelgen.

Foto:news.un.org