Afrıka elderinde 13 mıllıon adamǵa ashtyq qaýpi tónip tur
NUR-SULTAN. QazAqparat – Sońǵy otyz jyldaǵy qurǵaqshylyqtyń saldarynan Afrıka elderinde 13 mıllıon adam ashtyqtan zardap shegýi múmkin, dep habarlaıdy QazAqparat BUU jańalyqtar saıtyna silteme jasap.
«Efıopııa, Kenııa jáne Somalıde qatarynan ótken úsh jańbyrly maýsymda jaýyn-shashyn az túsken. Bul eginniń óspeýine jáne maldardyń qyrylýyna ákeldi. Kóptegen otbasylar sý men jaıylymnyń jetispeýshiliginen úılerin tastap, qalaǵa ketýge májbúr etýde. Sonymen qatar, qaýymdastyqtar arasynda qaqtyǵystar kóbeıgen. Afrıka elderinde qýańshylyqtan egin qýrap, mal qyrylyp, asharshylyq bolýda», - dedi BUU Búkilálemdik azyq-túlik baǵdarlamasy Shyǵys Afrıkadaǵy turaqty bıýrosynyń dırektory Maıkl Danford. Sonymen qatar, jaqyn arada jaýyn-shashynnyń ortashadan tómen túsetini týraly boljam onsyz da aýyr jaǵdaıdy ýshyqtyrýy múmkin. Qurǵaqshylyq Efıopııanyń ońtústiginde jáne ońtústik-shyǵysynda, Kenııanyń ońtústik-shyǵysynda jáne soltústiginde jáne ońtústik-ortalyq Somalıde jaıylymdyq jáne fermerlik qaýymdastyqtardy joıyp jiberdi. Bul negizgi azyq-túlik ónimderi baǵasynyń ósýine ákelip, aýyl sharýashylyǵyndaǵy jumysshylar kúshine degen suranysty odan ári tómendetti. Osynyń bári azyq-túlikpen qamtamasyz etýde qıyndyqtar týǵyzdy. Shuǵyl sharalar qabyldanbasa, jaǵdaı tek ýshyǵa túsedi.
ıÝNISEF-tiń boljamy boıynsha, Afrıka elderinde azyqqa muqtaj adamdardyń sany Gretsııa men Shvetsııa halqymen teń derlik.
«Olardyń kóbi 40 jyldaǵy eń nashar klımattyq tótenshe jaǵdaılardyń birine baılanysty qaýip tónip turǵan balalar», - dedi BUU Balalar qorynyń (ıÝNISEF) Shyǵys jáne Ońtústik Afrıkadaǵy óńirlik dırektory Mohamed Foll.
Aımaqtyń COVID-19, qaqtyǵystar jáne klımattyń ózgerýi sııaqty tónip turǵan birden úsh qaýipke tótep bere almaıtynyn eskertken ıÝNISEF ókili kóptegen balalardyń baspana, tamaq, bilimnen jáne medıtsınalyq kómekten aıyrylǵanyn atap ótti. Qazirgi ýaqytta aımaqtaǵy 5,5 mıllıonǵa jýyq balaǵa ashtyq qaýpi tónip tur. Bul daǵdarystan shyǵý úshin búkil halyqaralyq qaýymdastyqtyń ujymdyq kúsh-jigeri qajet.
2022 jyly Afrıka elderinde operatsııalar úshin ıÝNISEF donorlardan 123 mıllıon dollar surady.
«Mıllıondaǵan adamdardyń ómiri men bolashaǵy osyǵan baılanysty. Birlesip, shuǵyl, jan-jaqty áreket etýimiz kerek», - dedi ıÝNISEF ókili.
