Afrıka elderi Ortalyq Afrıka Respýblıkasynyń jańa kóshbasshysyna talaptar qoıýda
ASTANA. 4 sáýir. QazAqparat - Afrıka elderiniń joǵary laýazymdy delegatsııasynyń ókilderi Ortalyq Afrıka Respýblıkasyna keldi. Olar endi atalǵan memlekettiń jańa kóshbasshysy Mıshel Djotodıaǵa ózderiniń talaptaryn usynýda. Bul týraly VVS habarlady.
Esterińizge sala keteıik, bıylǵy naýryzdyń sońyna qaraı ereýilshiler tobynyń kóshbasshysy eldiń astanasyn basyp alyp, ózin prezıdent dep jarııalady. Sonymen qatar ol parlamentti taratyp, konstıtýtsııanyń kúshin toqtatatynyn málimdedi.
Sársenbide Ortalyq Afrıkanyń on eli shuǵyl sammıtte deklaratsııa qabyldap, Djotodıany eldiń prezıdenti retinde moıyndamaıtynyn jarııalady.
Sammıtke qatysýshylar Djotodıany ótpeli úkimet qurýǵa jáne elde jalpy saılaý ótkizýge shaqyrdy.
