Afrıka elderi «Boko haramǵa» qarsy sheshýshi shabýylǵa ázirlik ústinde
ASTANA. QazAqparat - Afrıka elderi Chad kóli aýmaǵynda "Boko haram" radıkaldy tobyna sheshýshi shabýyldar jasaýǵa daıyndalýda.
Bul týraly Nıger qorǵanys mınıstri Hasýmı Masýdý málimdedi, dep habarlaıdy QazAqparat.
Ol Nıameda Nıgerııa, Nıger, Chad, Kamerýn jáne Benın ásker kúshteriniń basshylarymen kezdesti.
Áskerı basshylar "Boko haramnyń" tyldyq bazalary ornalasqan aýdandarynda Nıger, Chad jáne Nıgerııa áskerı qurylymdary shilde aıynan bastap júrgizgen áskerı áreketterin talqylady.
"Bul sharalar nátıjesinde sodyrlardyń baqylaýynda bolǵan birneshe eldi meken bosatyldy, sonymen qatar sodyrlardyń materıaldyq-tehnıkalyq kanaldaryn buzýǵa múmkindik berdi ", - dep habarlady Masýdý.
Nıgerııa, Nıger, Chad, Kamerýn jáne Benın Chad kóli aımaqtarynda lańkestik qaterdi joıý úshin Aralas kópultty kúshterdiń kontıngentin qurdy. Olardy qurý sheshimi 2015 jyly qańtarda Addıs-Abebte ótken Afrıkalyq odaq sammıti kezinde qabyldandy.
