Afrıka, Azııa jáne Taıaý Shyǵys elderinde polıomıelıt indetine baılanysty tótenshe jaǵdaı týyndady
ASTANA. QazAqparat - Aýǵanstan, Irak, Kamerýn, Nıgerııa, Pákistan, Sırııa, Somalı, Ekvatorııalyq Gvıneıa, Efıopııa elderinde polıomıelıt indeti paıda bolýyna boılanysty DDSU qoǵamdyq densaýlyq saqtaý salasyndaǵy halyqaralyq mańyzdaǵy tótenshe jaǵdaı dep jarııalady.
Bul týraly QR Indýstrııa jáne jańa tehnologııalar mınıstrliginiń Týrızm komıtetiniń baspasóz qyzmeti habarlady.
DDSU aqparatynsha, 2014 jyldyń qańtarynan sáýirge deıin álemde polıovırýs juqtyrýynyń kem degende 3 halyqaralyq jaǵdaıy Azııada (Pákistannan Aýǵanstanǵa), Taıaý Shyǵysta (Sırııadan Irakqa) jáne Ortalyq Afrıkada (Kamerýnnan Ekvatorııalyq Gvıneıaǵa) tirkelgen.
DDSU joǵaryda atalǵan 10 eldiń úkimetine polıomıelıt «ulttyq densaýlyq saqtaý salasyndaǵy tótenshe jaǵdaı» ekenin habarlaýǵa usynys jasady.
Polıomıelıtti ózge elderge juqtyrǵan Pákistan, Kamerýn jáne Sırııa elderiniń úkimetterine DDSU azamattarǵa jáne elge 4 aptadan artyq ýaqytqa kelgen adamdarǵa polıomıelıtke qarsy ekpe jasaýy boıynsha sharalar qabyldaýyn usyndy.
2013 jyly 1-tıptegi polıvırýspen qozdyrylǵan polıomıelıt jaǵdaıy Kenııada tirkelgen bolatyn.
DDSU bul elderge baratyn saıahatshylarǵa jolǵa shyǵar aldynda ekpe jasatýǵa keńes berdi. Mundaı usynystar tizimdegi ózge 7 elge barýdy josparlap otyrǵandarǵa da jasaldy.
Atalǵan aýmaqtardaǵy polıomıelıtke shaldyǵý qaýpi joǵary bolǵandyqtan QR IJTM Týrızm ındýstrııasy komıteti bul elderge saparǵa barýdy kózdegen Qazaqstan azamattaryna jeke gıgıenalyq sharalardy saqtaýǵa shaqyrady. Atalǵan ınfektsııaǵa qarsy ekpe jasatpaǵan balalardyń bul dertti juqtyrý qaýpi óte joǵary ekenine basa nazar aýdarǵan jón.
QR IJTM týrızm ındýstrııasy komıteti týrıstik operatorlar men týrıstik agenttikterge aýrýdy juqtyrý qaýpi bar elderge shyqqaly jatqan týrısterge bul týraly tolyqqandy aqparat berýdi usyndy.
