Africa Eco Race avtojarysynyń ekinshi kezeńinde qazaqstandyq ekıpaj alǵashqy ondyqqa kirdi
ASTANA. 2 qańtar. QazAqparat - «Africa Eco Race-2014» ekinshi kezeńi aıaqtaldy. Jol talǵamaıtyn T-1 júıesi qorytyndysy boıynsha, quramynda Qanat Shaǵyrov pen Aleksandr Moroz bar qazaqstandyq Mobilex Racing Team ekıpajy máreni segizinshi bolyp kesti, dep habarlaıdy vesti.kz.
Dodanyń ekinshi aınalymynda ekıpajdar Marokkonyń 431 shaqyrym jolyn artta qaldyrdy. Bul alǵashqy aınalymmen salystyrǵanda 350 shaqyrymǵa uzaq. Bul kezeńde Jan-Lýı Shlesser men Terı Magnaldı ekıpajy birinshi bolyp keldi. Olar tolyq joldy 5 saǵat, 10 mınýt 5 sekýndta baǵyndyrdy. Al ekinshi jarysqa qatysýshylar qazaqstandyq ıÝrıı Sazonov pen Arslan Sahımov máreni 12-shi bolyp kesti. Jalpy eki aınalym qorytyndysy boıynsha, Qanat Shaǵyrov pen Aleksandr Moroz juby 8-shi orynda, ıÝrıı Sazonov pen Arslan Sahımov 11-shi satyda keledi.
Esterińizge sala ketsek, 31 qańtar kúni bastalǵan «Africa Eco Race-2014» rallı-reıdi 11 kezeńnen turady. Jarysqa qatysýshy ekıpajdar jalpy uzaqtyǵy 2992 shaqyrymdy quraıtyn jol arqyly Afrıkanyń Marokko, Mavrıtanııa jáne Senegal elderin basyp ótedi.
