Africa Eco Race: «Astana» besinshi kezeńdi sátti aıaqtady

Bul týraly Vesti.kz habarlady.

2 qańtar kúni ıÝrıı Sazonov pen Arslan Sahımovtyń basqarýyndaǵy BOWLER jol talǵamaıtyn kóligi jarysty 4 saǵat 13 mınýt 28 sekýndta 20-shy bolyp aıaqtady. T1 sanatynda qazaqstandyqtar 15-inshi orynǵa taban tiredi.

Qanat Shágirov pen Aleksandr Moroz tizginin ustaǵan MEBAR M440 jol talǵamaıtyn kóligi barlyq kólikter arasynda T2 jáne T1 sanaty boıynsha kezekti ret birinshi boldy. Ekıpajdyń ýaqyty - 4 saǵat 16 mınýt 34 sekýnd.

Buǵan deıin habarlanǵandaı, pılottar Marat Ábiqaev pen Janat Jalymbetov basqaratyn «Astananyń» úshinshi ekıpajy kólikterin qalpyna keltire almaı, jarystan túsip qaldy.

Kezeńniń jeńimpazdary frantsýzdyq Loomans Racing komandasynyń músheleri Jerom Pelıchet pen Haver Panserı boldy. Ekinshi oryn Sonangol Schlesser komandasynyń ekıpajy Jan-Lýı Shlesser men Sırıl Eskıroldiń, úshinshi oryn reseılikter Anton Grıgorov pen Sergeı Mıshınniń enshisinde.

Bes kezeńniń nátıjesi boıynsha kóshbasshylyq pozıtsııany Shlesser men Eskırol saqtap qalýda, olardan keıin Pelıchet pen Panserı keledi. Úshinshi orynda - chehııalyq Offroad sport komandasynyń músheleri Mıroslav Zapletal men Masek Marton. Qazaqstandyqtar Sazonov pen Sahımovtyń ekıpajy - 18, Shágirov pen Morozdyń ekıpajy 21-inshi orynda.
Rallı qatysýshylary taǵy jeti kezeńdi eńserýleri tıis, jarystar Dakardyń Qyzylala ózeninde 9 qańtar kúni aıaqtalady. 3 qańtar kúni jaryskerler demalatyn bolady.