Africa Eco Race-2013: «Astana» toǵyzynshy kezeńnen keıin de alǵashqy ondyqqa ene almady
ASTANA. 8 qańtar. QazAqparat - Qanat Shágirov-Aleksandr Moroz jáne ıÝrıı Sazonov-Arslan Sahımov qazaqstandyq ekıpajdary
Africa Eco Race-2013 rallı-reıdiniń toǵyzynshy kezeńiniń nátıjesi boıynsha barlyq avtokólikter arasynda alǵashqy jıyrmalyqtyń qatarynda.
Vesti.kz habarlaǵandaı, BOWLER jol talǵamaıtyn kóliginiń tizginin ustaǵan Sazonov pen Sahımov Akjýjt pen Tenadıge deıingi 459 shaqyrym qashyqtyqty 7 saǵat 22 mınýt 57 sekýndta eńsergennen keıin, 14-inshi orynǵa ornalasty.
MEBAR M440 jol talǵamaıtyn kóliginde óner kórsetetin Shágirov pen Morozda dıstantsııa sońynda kólikpen qıyndyqtar týyndady. Márege 100 shaqyrym qalǵanda «Astana» ekıpajy bir orynda turyp qaldy. Tehnıkalyq kómek kólikteri tar joldarmen óte almaıtyndyqtan, Qanat pen Aleksandr aqaýdy joıýǵa ózderi kiristi. Nátıjesinde qazaqstandyq ekıpaj márege 16-ynshy bolyp jetti (8:34:38). Aıta keteıik, kólikpen bolǵan aqaýlar úshin T2 sanatyndaǵy kóshbasshylar eki saǵattan astam ýaqyttaryn joǵaltty.
Kólikterdiń jalpy esebinde Shágirov- Moroz jáne Sazonov- Sahımov qazaqstandyq ekıpajdary sáıkesinshe 11-inshi jáne 15-inshi oryndarda.
