Africa Eco Race-2013: «Astana» ekıpajy óz sanatynda taǵy da birinshi
ASTANA. 1 qańtar. QazAqparat - Africa Eco Race-2013 rallı-reıdiniń úshinshi kezeńinde MEBAR M440 jol talǵamaıtyn kóligimen jarysqa túsken qazaqstandyq ekıpaj
(pılottar Qanat Shágirov jáne Aleksandr Moroz) márege T2 sanatynda - birinshi jáne barlyq kólikter arasynda 24-inshi bolyp jetti.
Vesti.kz habarlaǵandaı, avtomobılder sanatynda jeńimpaz Jan-Lýı Shlesser men Sırıl Eskıroldiń ekıpajy boldy. Úsh mınýtqa keıin kelgen olardyń jerlesteri Jerom Pelıchet pen Haver Panserı - ekinshi, al Jak Lýmans pen Frıts Drısmanstyń belgııalyq ekıpajy úshinshi boldy.
Qazaqstandyq jol talǵamaıtyn kólik Shlesser men Eskırolden úsh jarym saǵattan astam ýaqytqa keshigip keldi, sóıtip, jalpy esepte eki pozıtsııa joǵaltty. Endi «Astana» ekıpajy 22-inshi orynda ornalasýda.
Jalpy esepte kóshbasshylyqty Shlesser men Eskırol saqtap tur. Olar Pelıchet pen Panserıden segiz mınýtqa ozyq. Úshinshi orynǵa Lýmans pen Drısmannyń ekıpajy kóterildi. Atalǵandardyń barlyǵy T1 jol talǵamaıtyn kóligimen jarysqa túsýde.
