Afıza Semǵalıeva BQO balalardyń quqyqtaryn qorǵaý basqarmasyn basqarady
ORAL. KAZINFORM — BQO balalardyń quqyqtaryn qorǵaý basqarmasynyń basshysy bolyp Afıza Semǵalıeva taǵaıyndaldy.
BQO ákiminiń baspasóz qyzmetinen málim etkenindeı, A.Semǵalıeva 1986 jyly dúnıege kelgen.
Bilimi joǵary. M.Ótemisov atyndaǵy atyndaǵy Batys Qazaqstan memlekettik ýnıversıtetin ádebıettaný, Batys Qazaqstan ınnovatsııalyq-tehnologııalyq ýnıversıtetin quqyqtaný mamandyǵy boıynsha támamdaǵan.
Eńbek jolyn M.Ótemisov atyndaǵy Batys Qazaqstan memlekettik ýnıversıteti rektorynyń jalpy máseleler boıynsha kómekshisi bolyp bastaǵan.
Ár jyldary «Nur Otan» partııasy Batys Qazaqstan oblystyq fılıaly qoǵamdyq-saıası jumys bóliminiń jastar saıasatyn júzege asyrý boıynsha konsýltanty, saılaýaldy tuǵyrnamany iske asyrý jáne baqylaý bóliminiń konsýltanty, personaldy basqarý boıynsha konsýltanty, «AMANAT» partııasy Batys Qazaqstan oblystyq fılıalynyń partııalyq baqylaý jónindegi ınspektory bolyp eńbek etti.
Qazirgi laýazymǵa deıin «AMANAT» partııasy Batys Qazaqstan oblystyq fılıaly atqarýshy hatshysynyń orynbasary boldy.
Eske sala keteıik, budan buryn Aslan Tapıshevtiń BQO din isteri basqarmasynyń basshysy bolǵanyn jazǵan edik.
