Afınyda tonaýshy bankten mıllıon eýro alyp shyqty
ASTANA. 3 qazan. QazAqparat - Afınyda er azamat esh kedergisiz bankten shamamen mıllıon eýro alyp shyqqan.
Lenta.rý-dyń AFP-ke silteme jasap habarlaǵanyndaı, oqıǵa jeksenbi kúni, 2 qazanda, «Elefterıos Venızelos» Afıny halyqaralyq áýejaıyndaǵy iri grekııalyq bankterdiń biri Alpha Bank bólimshesinde oryn alǵan. Tonaýshy ózin kúzet kompanııasynyń qyzmetkeri retinde tanystyryp, bankke qaýipsizdikti qamtamasyz etý júıesindegi aqaýlardy jóndeý úshin kelgendigin aıtqan.
Habarlanǵandaı, er azamat bank qyzmetkerlerine aıtqan sózin kýálandyratyn qujattaryn kórsetken, sonyń nátıjesinde ol bank ishine enedi. Sodan keıin ol tapanshasyn alyp shyǵyp, bank qyzmetkerlerinen seıfti ashý úshin onyń shıfrlerin aıtýdy talap etedi. Ony ashqannan keıin er azamat ishindegi aqshanyń bárin úsh qorjynǵa salyp, esh kedergisiz taksımen belgisiz baǵytta qashyp ketedi.
