Afınyda qýatty jarylys boldy: bir adam qaza taýyp, eki adam jaralandy
ASTANA. Naýryzdyń 29-y. QazAqparat - Afınyda jańa lańkestik áreket oryn aldy. Qýatty jarylystyń saldarynan bir er azamat qaza bolyp,
bir boıjetken aýyr jaraqat aldy, dep habarlaıdy Europe1 radıostansysy. Keıbir málimetter boıynsha, taǵy bir jaraly adam bar kórinedi.
Bomba qalanyń batys bóliginde, memlekettik qyzmetkerlerge arnalǵan mekteptiń janynda jarylǵan. Qazir polıtsııa men lańkestikke qarsy kúres bólimderi oqıǵa ornyn qorshaýǵa alyp otyr.
Aıta ketý kerek, Grekııada álemdik qoǵamdastyqty batys saıasatkerleri men kompanııalaryna qarsy aktsııalarmen jıi dúrliktirip otyratyn «17 qarasha revolıýtsııalyq uıymy» sııaqty birneshe ishki lańkestik toptar bar. Atap aıtqanda, aǵymdaǵy jyldyń qańtar aıynda Afıny ortalyǵynda Belgisiz jaýyngerdiń eskertkishiniń janynda, el parlamentine jaqyn jerde jarylys boldy. Ol joly jarylystan eshkim zardap shekken joq edi.
