Afıny ortalyǵynda bomba jaryldy
ASTANA. QazAqparat - Afıny ortalyǵynda grekııalyq bıznes federatsııasynyń keńseleriniń mańynda seısenbi kúni tańerteń bomba jaryldy, dep habarlady Reuters polıtsııaǵa silteme jasap.
Polıtsııa aqparatynsha, jarylys saldarynan terezeler syndy, alaıda adamdar japa shekpedi.
Taımeri bar jarylǵysh zaty rıýkzakta boldy. Ol jergilikti ýaqytpen shamamen saǵat 3:30-da iske qosyldy. Polıtsııadaǵy aqparat kózi gazetterdiń birine jarty saǵat buryn jarylys týraly jasyryn qońyraý shalynǵanyn habarlady.
Kýágerlerdiń sózine qaraǵanda, jarylys Afınynyń ortalyq kósheleriniń birinde oryn aldy. Onyń mańynda Sıntagma alańynda parlament, dámhana, bankter men dúkender ornalasqan. Polıtseıler jarylys oryn alǵan jerdiń mańyndaǵy eki kvartaldy qorshaýǵa aldy. Aýmaqty saperler tekserip jatyr.
Polıtsııada jarylysty jergilikti «partızandyq toptar» uıymdastyrdy dep esepteıdi, dep habarlady RBK.
