Afıny qalasynyń ortalyǵynda atys boldy
ASTANA. QazAqparat - Afıny qalasyndaǵy Omonııa ortalyq alańyna jaqyn mańdaǵy Krıtıs kóshesindegi meıramhanada atys boldy. Bul týraly sársenbide News Bomb portaly habarlady.
Aldyn ala derekter boıynsha, oqys oqıǵa saldarynan bir adam qaza tapqan.
Al óz kezeginde Protothema gazeti kúdiktiniń qylmys ornynan mototsıklge minip izin sýytqanyn jazdy. Kýágerlerdiń aıtýynsha, kıllerdiń biri adamdy basynan atqan. Mert bolǵan - Albanııa týmasy.
Quqyq qorǵaý organdary keleńsiz jaǵdaıdy tekserýde. Basylymnyń boljamynsha, qylmystyq toptardyń ózara esep aıyrysýy adam ólimine ushyratqan.
