18:00, 20 Qazan 2023 | GMT +6
Afınanyń eń bıik núktesinde Qazaqstan týy jelbiredi
Respýblıka kúnine oraı Qazaqstannyń kók týy Afınanyń eń bıik núktesi - Lıkavıtos taýyna kóterildi. Kazinform bul týraly QR Syrtqy ister mınıstrligine silteme jasap habarlaıdy.
Grekııa astanasynyń turǵyndary men qonaqtary teńiz deńgeıinen 277 metr bıiktikte ornatylǵan Qazaqstan týyn tamashalady.
Grekter úshin kóne de kıeli jerde qazaq týynyń kóterilýi eki el arasyndaǵy dostastyqty bildiredi.
«Erekshe quttyqtaýdy Qazaqstan-Grekııa Іskerlik keńesi uıymdastyrdy. Onyń basty maqsaty - saýda, ınvestıtsııa jáne mádenıet salalaryndaǵy eki el arasyndaǵy yntymaqtastyqty ilgeriletý», - delingen habarlamada.
