Afınada lańkestik qaterge oraı qaýipsizdiktiń tótenshe sharalary engizildi
ASTANA. 23 qańtar. QazAqparat - Afınada lańkestik qaterge oraı qaýipsizdiktiń tótenshe sharalary engizildi. Mundaı shara 2004 jyly Olımpıada oıyndary kezinde ǵana engizilgen bolatyn, dep jazady "Katımerını" gazeti.
Grek polıtsııasy Grekııanyń Eýroodaqqa tóraǵalyǵy kezinde paıdalanylatyn mekemelerdi, qonaqúılerdi, tas joldardy qatań baqylaýǵa alǵan. Memlekettiń mundaı qadamǵa barýyna «17 qarasha» lańkestik tobynyń múshesi Hrıstodýlos Ksıros túrmeden qashyp ketkennen keıin 20 qańtar kúni jańa lańkestik áreketterdiń oryn alatyndyǵy týraly málimdeme jasaǵan beınejazbasynyń jaryq kórýi túrtki bolǵan edi. Onda saıasatkerlerge, jýrnalısterge jáne kásipkerlerge qastandyq jasalatyndyǵy aıtylǵan. Sarapshylar lańkester nysanaǵa alýy múmkin 250 «nysandy» anyqtap otyr. "Katımerını" basylymynyń málimetinshe EO-daǵy grek tóraǵalyǵyna baılanysty sharalar ótetin Zappıon saraıy men eýropalyq sheneýnikter toqtaǵan qonaqúıdi aınala qarýly polıtsııa men qupııa agenttik qorǵap tur. Sondaı-aq búgin ótetin EO elderi syrtqy ister mınıstrleriniń beıresmı sammıtine qatysatyn 30-dan astam laýazymdy tulǵa qorǵaýǵa alynǵan. Polıtsııa 320 nysandaǵy qaýipsizdik sharasyn kúsheıtti. Ksırosty izdep tabýǵa AQSh pen Ulybrıtanııanyń qaýipsizdik qyzmetteri qol ushyn berýde.
