Afına ortalyǵynda jarylys boldy
ASTANA. QazAqparat - Afına ortalyǵynda ornalasqan Apellıatsııalyq sot ǵımaratynyń aldynda jarylys boldy, dep habarlaıdy Euronews .
Oqys oqıǵa túnde bolǵan. Kúzetshiler ǵımarattyń kireberisine sómkeni laqtyryp, qashyp ketken eki belgisiz adamnyń beınebaqylaý kameralaryna túsip qalǵandyǵyn málim etti.
Apellıatsııalyq sot ǵımaratynyń aldynda bolǵan oqıǵany Grekııa ádilet mınıstri Stavros Kontonıs «jıirkenishti qylmys» dep baǵalady. «Frans-Press» agenttiginiń habaryna qaraǵanda, osy fakti boıynsha tergep-tekserý lańkestikke qarsy kúres qyzmetine tapsyrylǵan.
