Afına marafony 2020 jyldyń sońynda ótedi
AFINA. QazAqparat – Afına marafony men keıinge shegerilgen jartylaı marafony áleýmettik araqashyqtyqty saqtaı otyra, bıyl josparlanǵan ýaqyttan kesh uıymdastyrylady.
Marafon 8 qarashada ótedi. Al ótken jyldyń naýryz aıynda keıinge shegerilgen jartylaı marafon 50 kún buryn, ıaǵnı 20 qyrkúıekre josparlanǵan, dep habarlaıdy, QazAqparat QR Ulttyq Olımpıada komıtetine silteme jasap.
Gretsııa úkimeti koronavırýs indetimen kúreste oń nátıjege qol jetkizip, úkimeti 5000 qatysýshyǵa ruqsat berdi. Sondyqtan bıylǵy marafon eki kezeńnen turady. Birinshi kezeńge 5000, ekinshi kezeńine 5000 qatysýshydan jiberiledi. 7-8 qarashada demalys kúnderi ótetin jarysqa uıymdastyrýshylar eki kún ishinde 30000 sportshy qatysady dep kútýde. Bıylǵy marafonǵa álemniń úzdik ataqty júgirýshileri shaqyrylmaıdy. Sondaı-aq, qatysýshylardyń qaýipsizdigin qamtamasyz etý maqsatynda saltanatty is-sharalary men gala-keshter uıymdastyrylmaıdy.
Pandemııanyń salqyny 2020 jyldyń marafondar maýsymyna da áser etti. Atap aıtsaq álemdegi eń iri marafon sanalatyn Boston, Nıý-Iork pen Berlındegi World Marathon Majors kezeńderi de ótpeıtin boldy. London marafony 4 qazanǵa josparlanǵan, biraq onyń ótetini kúmándi.
