«Afftar jjot» reseılik tok-shoýy qostanaılyq bıshi qyz ben onyń anasyn izdestirýde
ASTANA. QazAqparat - «Pýst govorıat» reseılik baǵdarlamasynyń redaktorlary Qostanaı turǵyndary Jámılá men Ásem Qulmuhambetovalardy «Afftar jjot» baǵdarlamasyna qatysý úshin izdestirýde, dep habarlady «Nash Kostanaı» gazeti.
Ásem Qulmuhambetova anasy Jámılámen birge ótken jazda birge bılep, Instagram juldyzyna aınalǵan bolatyn. Vıdeony 230 myń adam kórgen. YouTube arnasynda rolık 22 myń ret qaralǵan. Sondaı-aq ony qazaqstandyq arnalardyń birinen kórsetti.
Keshe «Pýst govorıat» baǵdarlamasynyń arasynda eki rolık kórsetildi, onyń biri osy Qostanaı turǵyndarynyń vıdeosy. Telearna redaktsııasy olardaǵy keıipkerlerdiń birin tanyǵandar bolsa, jýrnalısterge habarlasýdy surady. ıAǵnı, beınejazba avtorlaryn qyzyqty ınternet-rolıkter kórsetiletin «Afftar jjot» baǵdarlamasyna qatystyrmaq.
«Ózimiz kórgenimiz joq, biraq bizge habarlasyp aıtty. Qyzyq jaǵdaı. Shynymdy aıtsam, anam ekeýimiz bul bı jaıly sóz qozǵaǵan da emespiz. Eger shaqyryp jatsa, barmaıtyn da shyǵarmyz», - dedi gazetke bergen suhbatynda Ásem Qulmuhambetova.
