AES jobasy: otandyq óndiristi qoldaýǵa baǵyttalǵan keshendi jospar tanystyryldy
ASTANA.KAZINFORM — Atom energııasy jónindegi agenttigi Úkimetpen birlesip AES salý kezindegi oqshaýlaýdy damytýǵa arnalǵan Keshendi jospar jobasy boıynsha jumysty bastady.
Atom energııasy jónindegi agenttiginde birinshi atom elektr stantsııasynyń qurylysy aıasyndaǵy óndiristi oqshaýlaý máselelerine arnalǵan keńes ótti. Talqylaýdyń negizgi ózegi — otandyq kásiporyndardyń jobaǵa qatysýy, tehnologııalar transferti, jergilikti ónerkásipti qoldaý jáne jańa jumys oryndaryn qurý.
Atalǵan keńeste AES qurylysy barysynda shyǵyndardyń edáýir bóligi qosalqy ınfraqurylymǵa, ınjenerlik júıelerge, materıaldar men servısterdińkeń aýqymyna baǵyttalatyny atap ótildi. Bul qazaqstandyq óndirýshiler men merdigerlerdi keńinen tartýǵa múmkindik beredi.
Negizgi mindetterdiń qatarynda ónerkásiptik kásiporyndardy atom salasynyń talaptaryna daıyndaý, tehnologııalar transferin uıymdastyrý, jergilikti óndiristik qýattardy damytý jáne turaqtyjumyspen qamtýdy qamtamasyz etý.
Mańyzdy sheshimderdiń biri atom energetıkasy salasy úshin taýarlar, jumystar men qyzmetter jetkizýshileriniń arnaıy tizilimin qurý bolmaq. Ol rásimderdiń ashyqtyǵyn, sapany baqylaýdy jáne jobaǵa qatysýǵa teń qoljetimdilikti qamtamasyz etedi. Arnaıy tizilimdi júrgizý úshin jetkizilimderdiń ashyqtyǵyn, jedeldigin, sapasy men qaýipsizdigin qamtamasyz etetin tsıfrlyq platforma ázirleý josparlanyp otyr.
Keńes barysynda AES qurylysy kezinde oqshaýlaýdy damytýdyń Keshendi jospary jobasynyń negizgi elementteri tanystyryldy. Onda aǵymdaǵy jaǵdaıǵa taldaý, oqshaýlaýdyń perspektıvalyq baǵyttary, ónerkásipti damytýdy yntalandyrý tetikteri jáne memlekettik qoldaý sharalary qamtylǵan.
— Biz tek bilikti jáne senimdi qyzmet kórsetýshilerdi tartýǵa múmkindik beretin júıe qalyptastyryp jatyrmyz — bul atom jobalarynyń qaýipsizdigi men tıimdiliginiń negizi. Keshendi jospardy iske asyrý otandyq ónerkásip kásiporyndarynyń edáýir bóligin jańǵyrtýǵa, birneshe júzdegen qazaqstandyq kompanııany jetkizilim tizbegine tartýǵa myqty baza qalyptastyrýǵa jáne jańa óndiristerdiń ashylýyna múmkindik beredi. Bul shaǵyn jáne orta bıznestiń damýyna, jańa jumys oryndarynyń qurylýyna jáne óńirlik ınfraqurylymnyń jaqsarýyna serpin beredi, — dedi agenttik tóraǵasy Almasadam Sátqalıev.
Keńes qorytyndysy boıynsha ónerkásip pen qurylys sektorynyń jaǵdaıyna tereń taldaý júrgizý týraly sheshim qabyldandy. Memlekettik organdarǵa usynylǵan Keshendi jospar jobasyn qarastyryp, óz usynystaryn engizý tapsyryldy. Buǵan qosa jetkizýshiler tizilimin qurý jáne onyń jumysynqamtamasyz etetin tsıfrlyq platformany iske qosý jumystary jalǵasatyn bolady.
Aıta ketelik AES ataýy konkýrsynyń jeńimpazdary avtorlyq sertıfıkattarǵa ıe bolady.