AES-tiń túpkilikti koordınaty áli aıqyndalǵan joq - Sátqalıev

ASTANA. KAZINFORM — Elimizde salynatyn Atom elektr stansasy ornalasatyn túpkilikti koordınat áli aıqyndalǵan joq. Bul týraly Atom energetıkasy jónindegi agenttik tóraǵasy Almasadam Sátqalıev málim etti.

- Rosatom jobalaý-izdeý jumystaryna kiristi. Terńdigi 30-dan 150 metrge deıin jetetin 70-ten astam uńǵyma burǵylandy. Topyraq synamasy alyndy. Qazirgi ýaqytta topyraǵy zerdelenip jatyr. Munan bólek, aldyn ala seısmıkalyq, kartografııalyq jumys júrizildi. Barlyq málimet tehnıkalyq-ekonomıkalyq negizdemege, durysyraq aıtsaq, jan-jaqty ınjınırıng, jobalyq qujatqa engiziledi. MAGATE standarttaryna sáıkes, jumys bastalmastan shamamen 18 aı buryn aldyn ala zertteý jumystary júrgizilýi tıis. Ol júrgizilip jatyr. Stansa ornalasatyn túpkilikti koordınat belgili bolady, - dedi agenttik basshysy Aqordada BAQ ókilderiniń saýalyna oraı.

Onyń aıtýynsha, ınjenerlik ınfraqurylym, jumysshylar eldi mekeni, Qazaqstanda jasalatyn, shetelden satyp alatyn jabdyqtar máselesi endi sheshiledi.

- Munyń bári jobalyq qujattamada qamtylady. Qazirgi ýaqytta Rosatommen birge aınalysyp jatyrmyz. Ol barynsha jan-jaqty aldyn ala jumystardan keıin josparlanady, - dedi ol.

Aıta keteıik, elimizde salynatyn birinshi Atom elektr stansasynyń ataýyna qatysty 28 myńnan astam usynys tústi.