AES-ten shyqqan otyn qaldyǵyn qaıtadan qoldanýǵa bolady – Saıabek Sahıev

ASTANA. KAZINFORM – AES-ten shyqqan otyn qaldyǵyn qaıtadan kádege jaratýǵa bolady. Bul týraly ıAdrolyq fızıka ınstıtýtynyń dırektory Saıabek Sahıev aıtty.

«Atom elektr stansasy degende jurttyń qorqatyny – qaldyqtar. Shyndyǵyna kelgende, Jylý elektr ortalyǵynyń AES-ten aıyrmashylyǵy odan shyqqan kúldi qaıtadan qoldanýǵa bolmaıdy. Al AES qaldyqtaryn bolashaqta jańa AES túrlerine qoldanýǵa bolady. ıAǵnı, ol daıyn turǵan otyn sanalady. Mine, osy tehnologııalar qazir álemde damyp keledi», - dedi ol Úkimet otyrysynan keıingi brıfıngte.

Onyń atap ótýinshe, Qazaqstan AES-ten shyqqan otyn qaldyǵyn saqtaý tehnologııasyn meńgergen.

«Qaldyqty bolashaqta jańa AES-te otyn retinde paıdalanýǵa bolady. Máselen, Frantsııa paıdalanylǵan otyndy qaıtadan kádege jaratyp otyr. Bizdiń ǵalymdar da 2-3 jyl boldy, osy tehnologııany zertteýge kirisip ketti. Menińshe, taıaý 2-3 jylda óz zertteýlerimizdi qosyp, múmkin AES salynbaı turyp-aq otyn qaldyqtaryn qaıta óńdeý tehnologııasyn shyǵarýymyz múmkin», - dedi Saıabek Sahıev.

Buǵan deıin atom elektr stansasy salynǵan jaǵdaıda Qazaqstan otandyq kadrlardy daıyndap úlgeretindigin jazǵan edik.